24
Thu, Sep
0 New Articles

Mwakilishi Mkazi wa UNDP, Bibi Christine Musisi akimkabidhi Mwenyekiti wa THBUB, Jaji (mstaafu) Mathew Mwaimu mojawapo ya vifaa vilivyotolewa kama msaada.

SHIRIKA la Maendeleo la Umoja wa Mataifa (UNDP) limetoa pongezi kwa Tume ya Haki za Binadamu na Utawala Bora (THBUB) kwa hatua inazochukua kulinda na kukuza haki za binadamu na misingi ya utawala bora hapa nchi.

Vilevile Shirika hilo limeipongeza Serikali ya Awamu ya Tano chini ya uongozi wa Rais Dkt. John Pombe Joseph Magufuli kwa kufanikisha nchi kufikia uchumi wa kati kabla ya mwaka 2025 na kupunguza maambukizi ya virus vya corona vinavyosababisha gonjwa hatari la COVID-19.

Mwenyekiti wa THBUB, Jaji (Mst) Mathew Mwaimu (kulia) akiongea na Kamishna wa Sekretarieti ya Maadili ya Utumishi wa Umma, Jaji (Mst) Harold Nsekela (Kushoto) alipomtembelea ofisini kwake jijini Dodoma jana. Lengo la ziara hiyo ya THBUB ni kuimarisha ushirikiano na Sekretarieti ya Maadili

Kamishna wa Sekretarieti ya Maadili ya Utumishi wa Umma, Jaji (Mst) Harold Nsekela amezishauri taasisi zinazosimamia utawala bora kushirikiana kwa karibu ili waweze kutekeleza majukumu yao vizuri. 

Jaji Nsekela alitoa rai hiyo katika ofisi yake jijini Dodoma jana alipokutana na Mwenyekiti wa Tume ya Haki za Binadamu na Utawala Bora (THBUB), Jaji (Mst) Mathew Mwaimu.

Mkurugenzi wa HUPEMEF, Mchungaji Saimon Chemu (Kulia) akitoa maelezo mafupi kwa Mwenyekiti wa THBUB, Jaji (Mst.) Mathew Mwaimu (Kushoto) alipotembelea ofisi za Taasisi hiyo zilizopo Wilayani Magu, jijini Mwanza Aprili 21, 2020.

Na Mbaraka Kambona

Mwenyekiti wa Tume ya Haki za Binadamu na Utawala Bora (THBUB), Jaji (Mst.) Mathew Mwaimu amezitaka taasisi zilizoingia  mkataba wa ushirikiano na Tume kuendeleza jitihada za kusaidia wananchi ili kutatua kero zinazowakabili katika maeneo yao.

Jaji Mwaimu alitoa kauli hiyo wakati wa mkutano baina ya THBUB na Taasisi ya Huruma, Peace and Mercy Foundation (HUPEMEF) uliofanyika katika ofisi za taasisi hiyo zilizopo Wilayani Magu, Mkoani Mwanza Aprili 21, 2020.

Naibu Spika wa Jamhuri ya Muungano wa Tanzania, Mhe. Tulia Ackson (kushoto) akimkabidhi Makamu Mwenyekiti wa Tume ya Haki za Binadamu na Utawala Bora (THBUB), Mhe. Mohamed Khamis cheti cha kutambua mchango wa Tume katika kuwawezesha Wauguzi wa Hospitali ya Rufaa ya Mkoa wa Dodoma kutimiza majukumu yao. Maadhimisho ya Kilele cha Siku ya Wauguzi Duniani yalifanyika hospitalini hapo jijini Dodoma mwishoni mwa wiki. (Mei 15, 2020).

Mwenyekiti wa THBUB, Jaji (Mst.) Mathew Mwaimu (katikati) akiongea wakati alipomtembelea Mkuu wa Mkoa wa Mwanza, John Mongella (kulia) ofisi kwake jijini Mwanza Aprili 20, 2020. Kushoto ni Kaimu Katibu Mtendaji wa THBUB, Hajjat Fatma Muya.

Mkuu wa Mkoa wa Mwanza, Mh. John Mongella ameishauri Tume ya Haki za Binadamu na Utawala Bora (THBUB) kuandaa mpango maalamu wa kutoa elimu ya haki za binadamu na misingi ya utawala bora  kwa Watendaji wa ngazi za mikoa ili waweze kutoa haki za  wananchi kwa wakati. 

Mongella alitoa rai hiyo katika kikao kifupi kilichofanyika baina yake na Mwenyekiti wa THBUB, Jaji (Mst.) Mathew Mwaimu alipomtembelea  ofisini kwake  jijini Mwanza Aprili 20, 2020.

 

Tume ya Haki za Binadamu na Utawala Bora (THBUB) imesikitishwa na Taarifa ya vitendo vinavyofanywa na baadhi ya  Madaktari ana Wauguzi wa Hospitali ya Rufaa ya Mkoa,Mwananyamala vya kuwanyanyapaa na kuwasubua wagonjwa hao kwenda kufanya vipimo vya Korona kabla ya kuanza kupata matibabu.Soma zaidi

Mwenyekiti wa Tume ya Haki za Binadamu na Utawala Bora (THBUB), Jaji (Mst.) Mathew Mwaimu akiwasilisha taarifa ya THBUB kwa Kamati ya Kudumu ya Bunge ya Katiba na Sheria katika warsha iliyoandaliwa Mkoani Morogoro na THBUB kwa kushirikiana na Haki Maendeleo . Katikati ni Kaimu Mwenyekiti wa Kamati hiyo, Emmanuel Mwakasaka, wa kwanza kushoto ni Waziri wa Katiba na Sheria, Balozi Dk Augustine Mahiga.

Kamati ya Kudumu ya Bunge ya Katiba na Sheria imeiagiza Tume ya Haki za Binadamu na Utawala Bora (THBUB) kwa kushirikiana na Taasisi ya Haki Maendeleo kuandaa mapendekezo yatakayosaidia kuanzishwa kwa mchakato wa  kutungwa kwa sheria ya kulinda haki za mtumiaji wa huduma za mifumo ya kimtandao na kuyawasilisha kwa kamati hiyo ili waweze kushawishi bunge na mamlaka nyingine husika ili sheria hiyo iweze kutungwa.

Salamu za Pole kwa Mheshimiwa Rais Dkt. John Pombe Magufuli.

Tume ya Haki za Binadamu na Utawala Bora (THBUB) imepokea kwa mshituko mkubwa taarifa za kifo cha aliyekuwa Waziri wa Katiba na Sheria, Mhe. Balozi Dkt. Augustine Philip Mahiga (Mb) kilichotokea leo alfajiri Mei 01, 2020 Jijini Dodoma.

Tume inatoa pole kwa Mheshimiwa Rais wa Jamhuri ya Muungano wa Tanzania, Mhe. Dkt. John Pombe Magufuli kwa kuondokewa na kiongozi  mchapakazi, mwadilifu, mzalendo na mwanadiplomasia mahiri aliyeiwakilisha na kuipigania Tanzania katika nyanja za Kimataifa kwa miaka mingi.Soma zaidi

Ujumbe wa THBUB ukiwa katika picha ya pamoja na Mkuu wa Idara ya Magonjwa ya Wanawake na Uzazi, ambaye pia ni Daktari Bingwa wa Magonjwa ya Wanawake, Enid Chiwanga (katikati) huku wakionyesha ishara ya “mwanamke hodari”muda mfupi mara baada ya ujumbe wa THBUB kumaliza ziara yake katika hospitali hiyo.

Katika kuelekea kilele cha kuadhimisha siku ya wanawake duniani, ujumbe wa wanawake kutoka Tume ya Haki za Binadamu na Utawala Bora (THBUB) umetembelea Idara ya Magonjwa ya Wanawake na Uzazi iliyopo katika  Hospitali ya rufaa  jijini Dodoma mapema leo Machi 6, 2020.

Ujumbe huo  uliotembelea  hospitali hiyo uliongozwa na Makamishna wawili, Dkt. Fatma Khalfan na Amina Talib Ali kwa lengo la kuwafariji wakina mama wagonjwa na wazazi waliolazwa katika hospitali hiyo. 

Tume ya Haki za Binadamu na Utawala Bora na Tahadhari dhidi ya Kusambaa kwa Virusi vya Corona

Tume ya Haki za Binadamu na Utawala Bora (THBUB) kwa kuzingatia tamko la Serikali kuhusu tahadhari ya kusambaa kwa ugonjwa wa COVID-19 unaosababishwa na virusi vya Corona, inatoa mwongozo ufuatao, unaopaswa kuzingatiwa na wananchi wote wanaofika katika ofisi za Tume kwa ajili ya kupata huduma mbalimbali:-Soma Zaidi

 

Mwenyekiti wa THBUB, Jaji Mstaafu Mathew Mwaimu akiongea katika kikao cha majadiliano kilichowakutanisha ujumbe wa THBUB na Viongozi wa LHRC kwenye ofisi za kituo hicho jijini Dodoma leo (Februari 27, 2020). Kushoto ni Mkurugenzi Mtendaji wa Kituo cha Sheria na Haki za Binadamu (LHRC), Anna Henga

Tume ya Haki za Binadamu na Utawala Bora (THBUB) na Kituo cha Sheria na Haki za Binadamu (LHRC)  wamekubaliana kuandaa mpango wa pamoja wa kutoa elimu katika mashuleni   ili kuhamasisha na  kukuza  haki za binadamu nchini.

Makubaliano hayo yalifikiwa na pande zote mbili baada ya majadiliano yaliyofanyika katika kikao kilichowakutanisha ujumbe wa THBUB na Viongozi wa LHRC kwenye ofisi za kituo hicho jijini Dodoma leo.

More Articles ...

Sign up via our free email subscription service to receive notifications when new information is available.