19
Tue, Jan
1 New Articles

Mkurugenzi wa Sheria kutoka taasisi ya Sheria Kiganjani, Jumanne Nabir (kulia) akimuonesha Kaimu Katibu Mtendaji wa Tume ya Haki za Binadamu na Utawala Bora, Alexander S. Hassan (katikati) namna ya mfumo wa sheria kiganjani unavyofanya kazi. Kushoto anayeangalia ni Mkurugenzi wa Idara ya Sheria kutoka Tume, Nabor Assey.

Ujumbe wa taasisi ya Sheria Kigangani  umeitembelea Tume ya Haki za Binadamu na Utawala Bora(THBUB) machi, 12, 2019.

Akiongea katika kikao  kifupi baina ya taasisi hizo,  Mkuu wa msafara huo, ambaye pia ni Mkurugenzi wa Sheria wa taasisi hiyo ya Sheria Kiganjani, Jumanne Nabir  alisema kuwa lengo la ziara yao ni kujieleza na kujitambulisha kwa tume na kuona uwezekano wa kuanzisha ushirikiano baina ya taasisi hizo mbili.

“Lengo la ujio wetu kwenu ni kujitambulisha  ili muijue  Sheria Kiganjani, namna inavyofanya kazi na faida zake kwa jamii na kuona uwezekano wa kushirikiana nanyi” alisema Nabir

Nabir aliendelea kueleza kuwa  sheria kiganjani ni mfumo unaomuwezesha mtu kupata huduma za kisheria kupitia simu yake ya mkononi.

“Mtu anaweza kupata huduma hii kupitia simu aina zote, simu za kawaida na smartpone, kwa sasa tupo katika utafiti na tangu tumeanza kazi mwaka jana mpaka sasa wamepatikana watumiaji elfu arobaini na tano (45,000) " aliongeza Nabir

Mkurugenzi huyo wa Sheria aliendelea kusema kuwa kupitia mfumo huo mwananchi anapata fursa ya kuunganishwa na mawakili kupitia simu yake popote nchini.

Kwa upande wa tume, Kaimu Katibu Mtendaji, Alexander S. Hassan aliipongeza taasisi hiyo kwa kuwa na ubunifu huo wa kuwasaidia  na kuwarahisishia watanzania kujua na kupata msaada wa sheria. 

Pia, aliuambia ujumbe huo kuwa tume inapata changamoto katika maeneo mawili ambayo ni namna ya kujitangaza na kutambulika kwa wananchi na pili ni namna ya kupata malalamiko yanayohusu uvunjwaji wa haki za binadamu nchini.

Kufuatia ujio wao, Hassan aliwaeleza kuwa tume inaona uwezekano wa kufanya kazi na Sheria Kiganjani upo, hivyo aliwataka wakamilishe taratibu za kuomba ushirikiano na tume ili kuwezesha kuanza kwa ushirikiano huo.

Ujumbe wa taasisi ya Sheria Kiganjani ulijumuisha watu wane (4) ambao ni Mkuu wa msafara, ambaye pia ni Mkurugenzi wa Sheria, Jumanne Nabir, Afisa Masoko, Brian Mallya, Afisa mifumo ya kompyuta, Mussa Kisena na Meneja Mradi, Chris Bwemo.

Sheria Kiganjani ni taasisi iliyoanzishwa na vijana wa kitanzania mwaka 2018 ambayo imetengeneza mfumo unaomuwezesha mwananchi wa kawaida kupata huduma za kisheria kupitia zimu yake ya mkononi, tovuti na mfumo wa  sms.

Mwisho.

Picha hapo juu ni Bw. Stanley Kalokola wakati akiwaelekeza Wasaidizi wa Kisheria namna ya kutuma malalamiko THBUB kwa kutumia njia ya ujumbe mfupi wa simu ya kiganjani (SMS) wakati mafunzo yaliyofanyika Kituo cha wasaidizi wa kisheria kilichopo Momba mkoani Songwe.

Wasaidizi wa sheria (paralegals) waliopo Halmashauri ya Mji wa Tunduma mkoani Songwe  wameelimishwa namna ya kuwasilisha lalamiko Tume ya Haki za Binadamu na Utawala Bora  kupitia simu ya kiganjani.

Wasaidizi hao wa kisheria wapatao kumi na mbili (12) walipata elimu hiyo katika warsha iliyoandaliwa na Tume Februari, 21-22, 2019 katika ofisi za kituo cha wasaidizi wa sheria kilichopo Momba, Halmashauri ya Mji wa Tunduma, Mkoani Songwe.

Akiongea katika warsha hiyo, Muwezeshaji, Afisa Uchunguzi wa Tume, Stanley Kalokola alisema kuwa Tume imeanzisha mfumo huu wa kuwasilisha lalamiko kupitia simu ya kiganjani ili kuwarahisishia wananchi na kuwapunguzia gharama na kuokoa muda.

Kalokola aliendelea kuwaeleza wasaidizi hao kuwa mfumo huo wa mawasiliano ni kwa njia ya meseji tu na haipaswi kupiga kwani haitapokelewa.

“Mwananchi mwenye lalamiko lake au taarifa kuhusu uvunjwaji wa haki za binadamu au ukiukwaji wa misingi ya utawala bora anaweza kutuma ujumbe wa simu ya kiganjani kwenda namba 0737 446 787,” alisema Kalokola

Kalokola alifafanua kuwa kupitia utaratibu huo, mara baada ya lalamiko au taarifa kufika tume, Afisa wa Tume atakayelipokea anaweza kupiga simu kwa mlalamikaji ili kupata maelezo zaidi kabla ya kuanza kushughulikia lalamiko hilo.

Aidha, Kalokola aliwaeleza wasaidizi hao wa sheria kuwa ili lalamiko liweze kufika kwa usahihi, mwananchi anatakiwa kuandika lalamiko lake kwa ufupi na kulituma kwa kuanza na neno ‘REPORT’ kwenda 0737 446 787.

Mbali na kuwasilisha lalamiko kwa tume kupitia simu ya kiganjani, mlalamikaji anaweza pia kuwasilisha lalamiko lake kwa kufika katika ofisi za Tume au kuandika barua ya lalamiko lake na kuituma kwa njia ya Posta.

MWISHO.

Kaimu Katibu Mtendaji wa Tume ya Haki za Binadamu na Utawala Bora, Hajjat Fatuma Muya( wa pili kutoka kushoto) akiwa na Balozi wa Tanzania nchini Rwanda, Mheshimiwa Ernest Mangu ( wa pili kutoka kulia) walipokutana jijini Kigali, Rwanda. Wengine ni wajumbe waliohudhuria Mkutano mkuu wa AOMA.

 

Kaimu Katibu Mtendaji wa Tume ya Haki za Binadamu na Utawala Bora, Hajjat Fatuma Muya amehudhuria mkutano mkuu wa  sita (6) wa  mwaka wa Tume za Uchunguzi za Afrika (AOMA).

Mkutano huo uliohusisha takribani wawakilishi arobaini na sita (46) kutoka  tume za uchunguzi za Afrika  ulifanyika katika hoteli ya Marriot iliyopo jijini Kigali, Rwanda Novemba 27- 30, 2018 .

Kaimu Katika Mtendaji wa Tume ya Haki za Binadamu na Utawala Bora (THBUB) Hajjat Fatuma I. Muya (katikati) akiwa katika picha ya pamoja na washiriki wa kikao kazi kilichofanyika feb. 5, 2019, 

Tume ya Haki za Binadamu na Utawala Bora (THBUB), inategemea kuwa na ushirikiano wa kikazi baina yake na shirika la kimataifa lijulikanalo kwa jina la National Democratic Institute (NDI). 

Hayo yalisemwa na Kaimu Katibu Mtendaji wa THBUB Hajat Bibi Fatuma I. Muya kwenye kikao kazi kilichohusisha baadhi ya watumishi wa Tume na Maafisa watatu (3) kutoka shirika la NDI. 

Akiongea kwenye kikao hicho Afisa wa NDI Bi. Juliana Brother alisema shirika la NDI llinalenga kushirikiana na Tume kwenye masuala ya Haki za Binadamu na utawala bora.

Pamoja na kueleza majukumu ya Tume Bibi. Fatuma pia aliwashukuru maafisa wa NDI kwa kuwa tayari kutanya kazi na Tume, hasa katika masuala ya haki za binadamu na utawala bora.

Kikao kazi hicho kilichofanyika tarehe  5 Februari, 2019 katika ofisi za Makao Makuu ya Tume Jijini Dar es salaam kilihusisha pia baadhi ya maafisa wa Tume kutoka Idara ya Sheria, Utawala Bora na  Haki za Binadamu.

Washiriki wengine ni Bi. Sarolly Quibaya na Bi. Mahiga Dodd  wote kutoka shirika la NDI.

 

 

Kaimu Katibu Mtendaji wa Tume ya Haki za Binadamu na Utawala Bora, Hajjat Fatuma Muya akiongea katika kongamano la kuadhimisha Siku ya Maadili na Haki za Binadamu Kitaifa lililofanyika katika ukumbi wa Kambarage, Jengo la Treasury Square jijini Dodoma Disemba 6, 2018.

Watanzania wameombwa kuwa mabalozi wa kulinda na kutetea haki za binadamu ili kujenga jamii inayoheshimu na kuzingatia haki za binadamu nchini.

Rai hiyo ilitolewa na Kaimu Katibu Mtendaji wa Tume ya Haki za Binadamu na Utawala Bora, Hajjat Fatuma Muya alipokuwa akizungumza katika kongamano la kuadhimisha  Siku ya Maadili na Haki za Binadamu Kitaifa lililofanyika katika ukumbi wa Kambarage, Jengo la Treasury Square jijini Dodoma Disemba 6, 2018.

Kaimu Katibu Mtendaji wa Tume ya Haki za Binadamu na Utawala Bora (THBUB), Hajjat Fatuma Muya akiongea na wajumbe wa mkutano wa kumi na saba (17) wa baraza la wafanyakazi (hawapo pichani) alipokuwa akifungua mkutano huo uliofanyika jijini Dar es Salaam Januari 23, 2019. Kushoto kwake ni Mkurugenzi wa Idara ya Elimu kwa Umma na Mafunzo wa Tume, Alexander S. Hassan.

Kaimu Katibu Mtendaji wa Tume ya Haki za Binadamu na Utawala Bora (THBUB), Hajjat Fatuma Muya amewataka wafanyakazi wa taasisi hiyo kuzingatia haki na wajibu wakati wanatekeleza majukumu yao.

Kaimu Katibu Mtendaji wa Tume ya Haki za Binadamu na Utawala Bora, Hajjat Fatuma Muya akifungua mkutano huo wa wadau wa sekta ya biashara kujadili na kubadilishana mawazo kuhusu njia bora ya kulinda na kuteteta haki za binadamu katika sekta ya biashara nchini uliofanyika katika ofisi zake zilizopo jijini Dar es Salaam Desemba 3, 2018.

Tume ya haki za binadamu na Utawala bora(THBUB) imeahidi kuendelea kushirikiana na wadau wa sekta ya biashara katika kutatua changamoto mbalimbali zinazowakabili katika utekelezaji wa shughuli zao nchini.

Tume imetoa ahadi hiyo kwenye mkutano wa wadau wa sekta ya biashara kujadili na kubadilishana mawazo kuhusu njia bora ya kulinda na kuteteta haki za binadamu katika sekta ya biashara nchini uliofanyika katika ofisi zake zilizopo jijini Dar es Salaam Desemba 3, 2018.

Afisa Uchunguzi Mkuu wa THBUB na Kaimu MKuu wa Kitengo cha Mipango, Bw. Laurent Burilo akitoa ufafanuzi juu ya malengo ya mafunzo kwa watendaji wa kata katika masuala ya haki za binadamu na upatikanaji wa haki kisheria, yaliyofanyika Januari 8-9, 2019, katika Wilaya ya Kahama Mkoani Shinyanga.

Tume ya Haki za Binadamu na Utawala Bora  (THBUB) kwa  ufadhiri wa Asasi ya Kiraia ijulikanayo kwa jina la “Legal Service Facility” (LSF), hivi karibuni imefanikiwa  kutoa mafunzo ya elimu ya haki za binadamu na upatikanaji  wa haki kisheria kwa watendaji  kata  wapatao 128 kutoka kata sita (6) za Mkoa wa  Shinyanga.

Kaimu Katibu Mtendaji wa Tume ya Haki za Binadamu na Utawala Bora, Hajjat Fatuma Muya(kushoto) akiongea katika kikao kifupi kilichofanyika katika ofisi za shirika la Umoja wa Mataifa linalojishughulisha na masuala ya wanawake(UN women) jijini Dar es Salaam Novemba 21, 2018. Kulia ni anayeandika ni Mkuu wa kitengo cha Uongozi, ushirikishaji wa siasa na utawala cha UN women, Bi. Sara Negrao. Katikati ni Mkurugenzi wa Idara ya Elimu kwa Umma na Mafunzo.

 

Tume ya Haki za Binadamu na Utawala Bora imefanya ziara katika ofisi za shirika la Umoja wa Mataifa linalojishughulisha na masuala ya wanawake(UN women) jijini Dar es Salaam Novemba 21, 2018.  

Akizungumza katika kikao kifupi na Mkuu wa kitengo cha Uongozi, ushirikishaji wa siasa na utawala cha UN women, Bi. Sara Negrao, Kaimu Katibu Mtendaji wa Tume ya Haki za Binadamu na Utawala Bora, Hajjat Fatuma Muya alisema kuwa lengo la ziara hiyo ni kufahamiana, kubadilishana uzoefu wa kazi na kuangalia uwezekano wa taasisi hizo mbili kushirikiana katika kutekeleza majukumu yao ya kila siku.

Kaimu Katibu Mtendaji wa Tume ya Haki za Binadamu na Utawala Bora, Hajjat Fatuma Muya(kulia) akimpokea na kumkaribisha Mgeni rasmi, Waziri Mkuu wa Jamhuri ya Muungano wa Tanzania, Mheshimiwa Kassim Majaliwa alipokuwa anawasili katika kiwanja cha Nyerere Square jijini Dodoma kuadhimisha Siku ya Maadili na Haki za Binadamu Kitaifa yaliyofanyika katika Disemba 10, 2018.

Kaimu Katibu Mtendaji wa Tume ya Haki za Binadamu na Utawala Bora, Hajjat Fatuma Muya amewaomba wadau wa haki za binadamu kuungana na kushirikiana katika kulinda na kukuza haki za binadamu nchini.

Muya alitoa wito huo katika kilele cha maadhimisho ya Siku ya Maadili na Haki za Binadamu Kitaifa yaliyofanyika katika kiwanja cha Nyerere Square jijini Dodoma Desemba 10, 2018.

Kaimu Mtendaji wa Tume ya Haki za Binadamu na Utawala Bora, Hajjat Fatuma Muya(kushoto) akiongea na Muwakilishi kutoka taasisi ya IWGIA, Marianne Wiben Jensen katika ofisi yake Novemba 23, 2018.Wengine kutoka kulia ni Mkurugenzi wa Idara ya Elimu kwa Umma na Mafunzo, Alexander Hassan na aliye kati ni Afisa Uchunguzi, Florence Chaki.

Na Mbaraka Kambona,

Muwakilishi kutoka taasisi ya IWGIA, Marianne Wiben Jensen ameitembelea Tume ya Haki za Binadamu na Utawala Bora Novemba 23, 2018.

Katika  kikao  kifupi kilichofanyika kwenye  ofisi za Tume jijini Dar es Salaam, Jensen alimueleza Kaimu Mtendaji wa Tume ya Haki za Binadamu na Utawala Bora, Hajjat Fatuma Muya kuwa lengo kuu la ziara yake hiyo ni kufanya tathmini ya hali ya utekelezaji wa mradi wa uchunguzi wa hadharani uliofadhiliwa na shirika hilo kuhusu migogoro ya ardhi kwa watu wanaoishi maisha ya asili nchini.

Mradi huo uliotekelezwa katika mwaka wa fedha wa 2017/2018 ulifanyika katika mikoa minne ambayo ni Manyara, Singida, Tanga na Kilimanjaro.

More Articles ...

Sign up via our free email subscription service to receive notifications when new information is available.